കോതമംഗലം ● യാക്കോബായ സുറിയാനി സഭയുടെ സീനിയർ മെത്രാപ്പോലീത്തയും അങ്കമാലി ഭദ്രാസന സഹായ മെത്രാപ്പോലീത്തയും അങ്കമാലി മേഖലാധിപനുമായ അഭിവന്ദ്യ ഡോ. മോർ സേവേറിയോസ് എബ്രഹാം മെത്രാപ്പോലീത്തയുടെ കന്തീലാ ശുശ്രൂഷ നവംബർ 13 ന് രാവിലെ 10 മണിക്ക് കോതമംഗലം മാർ തോമ ചെറിയ പള്ളിയിൽ വച്ച് നടക്കും.
സഭയിലെ അഭിവന്ദ്യരായ മെത്രാപ്പോലീത്തമാർ ശുശ്രൂഷയ്ക്ക് നേതൃത്വം നൽകും. പുരോഹിതരുടെ രോഗ ശാന്തിക്കായി നടത്തപ്പെടുന്ന ശുശ്രൂഷയാണ് കന്തീല ശുശ്രൂഷ. 83 വയസ്സ് പിന്നിട്ട അഭിവന്ദ്യ പിതാവ് തന്റെ ആഗ്രഹപ്രകാരമാണ് കന്തീല ശുശ്രൂഷ സ്വീകരിക്കുന്നത്. ശുശ്രൂഷകൾ യാക്കോബായ സുറിയാനി സഭയുടെ ഔദ്യോഗിക മാധ്യമ വിഭാഗമായ ജെ.എസ്.സി ന്യൂസിലൂടെ തൽസമയ സംപ്രേക്ഷണം ചെയ്യും.
