1. ഡിസംബര്‍ 9-ാം തീയതി തിങ്കളാഴ്ച രാവിലെ 7 മണിക്ക് ബഹു. വൈദീകരും, വിശ്വാസികളും പാത്രിയര്‍ക്കാ സെന്ററില്‍ എത്തിച്ചേരേണ്ടതാണ്. 7.15 ന് ബഹു. വൈദീകര്‍ പന്തലിന് നടവിലുള്ള നടപ്പാതയ്ക്കിരുവശവും, വിശ്വാസി സമൂഹം പന്തലിലും നിന്ന് പരി. പാത്രിയര്‍ക്കീസ് ബാവായേയും, അഭി. തിരുമേനിമാരേയും വി. കുര്‍ബ്ബാനയ്ക്കായി പള്ളിയിലേക്ക് സ്വീകരിച്ചാനയിക്കുന്നതാണ്.
2. രാവിലെ 7.15 ന് ശേഷം ഒരു വാഹനങ്ങളും പാത്രിയര്‍ക്കാസെന്ററിലേക്ക് പ്രവേശിപ്പിക്കുന്നതല്ല.
3. പ്രൊസഷന് ശേഷം ബഹു. വൈദീകര്‍ക്ക് ക്രമീകരിക്കപ്പെട്ടിരിക്കുന്ന സ്ഥലത്ത് പ്രവേശിക്കേണ്ടതാണ്.
4. വി. കുര്‍ബ്ബാനയ്ക്കും, അനുസ്മരണത്തിനും ശേഷം ബഹു. വൈദീകര്‍ക്കും, പോലീസ് ഉദ്യോഗസ്ഥര്‍ക്കും, ദൃശ്യ-മാധ്യമ പ്രവര്‍ത്തകര്‍ക്കും കത്തീഡ്രലിന്റെ വടക്ക് വശത്തുള്ള ആഡിറ്റോറിയത്തിലും, വിശ്വാസിസമൂഹത്തിന് 30ഓളം കൗണ്ടറുകളിലായി പന്തലിന് വടക്കുഭാഗത്തുമായിട്ടാണ് ഭക്ഷണം ക്രമീകരിച്ചിരിക്കുന്നത്.
5. പാത്രിയര്‍ക്കാസെന്ററിലേക്ക് എത്തിച്ചേരുന്ന ബഹു. വൈദീകരുടേയും, വിശ്വാസികളുടേയും വാഹനങ്ങള്‍ താഴെ പറയുന്ന ക്രമീകരണങ്ങള്‍ അനുസരിച്ച് പാര്‍ക്ക് ചെയ്യേണ്ടതാണ്.
6. മുവാറ്റുപുഴ, കോതമംഗലം, പെരുമ്പാവൂര്‍, കോലഞ്ചേരി ഭാഗത്തുനിന്ന് വരുന്ന വാഹനങ്ങള്‍ വിശ്വാസികളെ പുത്തന്‍കുരിശ് ജംഗ്ഷനില്‍ ഇറക്കി 20 മീറ്റര്‍ വലത്ത് കത്തോലിക്ക പള്ളിയുടെ ഇരുവശങ്ങളിലുമുള്ള ഗ്രൗണ്ടില്‍ പാര്‍ക്ക് ചെയ്യേണ്ടതാണ്.
7. പിറവം, മുളന്തുരുത്തി വഴി വരുന്ന വാഹനങ്ങള്‍ പുത്തന്‍കുരിശ് വലിയപള്ളി ഗ്രൗണ്ട്, M.J.S.S.A., M.AM.H.S. ഗ്രൗണ്ട് മലേക്കുരിശ് ദയറാഗ്രൗണ്ട് എന്നിവിടങ്ങളില്‍ പാര്‍ക്ക് ചെയ്യേണ്ടതാണ്.
8. തൃപ്പൂണിത്തുറ, തിരുവാങ്കുളം, അമ്പലമേട് എന്നിവിടങ്ങളില്‍ നിന്ന് വരുന്ന വാഹനങ്ങള്‍ പുത്തന്‍കുരിശ് കാവുംതാഴം മൈതാനം, വടവുകോട് റൂട്ടില്‍ പോള്‍ പി. മാണി ഗ്രൗണ്ട്, കാളവയല്‍, നാന്‍സ് ചാരിറ്റബിള്‍ ട്രസ്റ്റ് ഗ്രൗണ്ട് , വടവുകോട് എന്നിവിടങ്ങളില്‍ പാര്‍ക്ക് ചെയ്യേണ്ടതാണ്.